Fugatti: “Ospedèl, vertesc a se lascèr su la dezijions di teritories”
Traduzione in ladino
A Tieser l é stat endrezà n confront dintornvia l partiment sanitèr de Fiem, Fascia e Cembra. L é stat portà dant duta la soluzions “L é la comunitèdes toutes ite, la prumes che cogn dezider dintornvia na cernita tant emportanta per l davegnir de la sanità de dut l raion de la Veisc. Eco percheche sion chiò te chesta senta, descheche l é stat emprometù, per scomenzèr via l percors de partezipazion pervedù da la normatives de anchecondì, per se confrontèr a na vida chièra dintornvia duta la possibilitèdes che se à a la leta. Possibilitèdes che met dant aspec positives e negatives, che tol ite tant la restruturazion del ospedèl de anchecondì de Ciavaleis che la proponeta de project financing tel raion de Masi. Volesse aboncont recordèr che per nos no l é soluzions ja evidentes e che la ressorses che l é stat resservà da man de la Provinzia fin ades, les é amò a la leta per la dezijion che vegnarà troà fora dai teritories. Sion donca ence a la leta per tor en conscidrazion idees neves e desferentes, se n fossa e che ge scusa a la comunitèdes toutes ite”. Chest l messaje del president de la Provinzia autonoma de Trent Maurizio Fugatti te la scontrèda te teater de Tieser – a chela che à tout pèrt ence l assessor provinzièl a la sanità Stefania Segnana, i sorastanc provinzièi e i diregenc de APSS – olache se à binà i aministradores e i conseieres di Comuns touc ite, per tor pèrt al percors dezidù dessema dintornvia l davegnir del ospedèl per Fiem, Fascia e Cembra.
Data di pubblicazione: 01/02/2023
Per restruturèr l ospedèl de Ciavaleis de anchecondì, descheche l é stat metù al luster, aldò de n agiornament di priesc en esser, l cost l é de presciapech 75 milions de euro.
Per chel che revèrda enveze l valor economich per la proponeta de na cooperazion publica privata per l projet a Masi, l cost de frabica l é de 101 milions de euro. La proponeta la tol ite la gestion e la manutenzion per 6,6 milions de euro al an per 18 egn. L cost en dut del projet donca l rua a 283 milions presciapech, che tol ite frabica neva, prum contribut, rates de leasing e paamenc de gestion.
Vedù la desferenza de spersa anter l ospedèl de ades (29.720 metres cadrac) e chel pervedù da la CPP (32.721 metres cadrac, 9% de più), tel fèr n confront del cost per la restruturazion del ospedèl de ades en referiment a na spersa medema che chela de la CPP, l cost l doventa de 83 milions.
L é ence na terza proponeta, che ge va do a la soluzion aproèda dal consei provinzièl aldò de chela che ge vegn dat su l’encèria a la Jonta de valutèr ence la possibilità de frabichèr n ospedel nef a Milon/Porina tel comun de Tieser.
L president tinultima l à recordà che la ressorses metudes a la leta tel bilanz provinzièl no les é vincolèedes a nesciuna soluzion, ma les é a la leta per chela che sarà la cernita definitiva. Chesta cernita no la podarà vegnir fata zenza tor ite deldut i teritories e col coordenament de la Provinzia.
En cont al percors de partezipazion metù a jir, do da la scontrèda coi conseieres de comun vegnarà endrezà la assembles publiches, pervedudes ai 13 de firé a Ciavaleis, do sarà l’outa de Fascia e sencajo ence una te Cembra.
https://www.youtube.com/watch?v=dKm_kHgTkwg&t=1s
https://www.youtube.com/watch?v=QgMizT4u-UE&t=3s
Link per l download:
https://videoframemultimedia.wetransfer.com/downloads/1f9b323f18760b815c9590a262ce6a9820230131094015/2c9c3bb9dc6560711e087537769a906620230131094015/0fbece
Traduzion di Servijes Linguistics e Culturèi del Comun general de Fascia
Documenti
Argomenti
Licenza
Fonte
Link comunicato
Ultimo aggiornamento: 11/02/2026 - 17:56
Quanto sono chiare le informazioni su questa pagina?